നവഭവ - ത്രിദിന കഥകളി നാട്യശാല

പ്രിയരേ,

കാറല്‍മണ്ണ വാഴേങ്കട കുഞ്ചുനായര്‍ സ്മാരകട്രസ്റ്റില്‍ വീണ്ടുമൊരു നാട്യശാലയ്ക്ക് അരങ്ങൊരുങ്ങുകയാണ്. കഥകളിയുടെ നവീന ഭാവുകത്വസൃഷ്ടിക്കായുള്ള ശ്രമങ്ങളുടെ ട്രസ്റ്റ് പ്രവര്‍ത്തനങ്ങളുടെ തുടര്‍ച്ച തന്നെയാണ് ഈ നാട്യശാലയും. കേരളസംഗീതനാടക അക്കാദമിയും ഈ സംരംഭത്തോട് സഹകരിക്കുന്നു. കഥകളിയുടെ വരുംകാലവാഗ്ദാനങ്ങളിലാണ് ഈ നാട്യശാല ശ്രദ്ധയൂന്നുന്നത് എന്നതാണ് പുതിയ സവിശേഷത. കഥകളിയുടെ ഏറ്റവും പുതിയ തലമുറയിലെ ശ്രദ്ധേയ കലാകാരന്മാര്‍ നായകവേഷങ്ങള്‍ ചെയ്യുന്ന 10 കഥകളികളാണ് മൂന്നു ദിവസം നീണ്ടുനില്‍ക്കുന്ന നാട്യശാലയില്‍ നടക്കുക.. ഓരോ കഥകളിയുടേയും അവതരണശേഷം, കലാകാരന്മാരും പ്രേക്ഷകരും പങ്കെടുക്കുന്ന,അവതരിപ്പിക്കപ്പെട്ട കഥകളിയെക്കുറിച്ചുള്ള ചര്‍ച്ച ഉണ്ടായിരിക്കും. മുതിര്‍ന്ന മൂന്ന് കലാകാരന്മാര്‍ യുവപ്രതിഭകളുടെ പ്രകടനം സൂക്ഷ്മമായി വിലയിരുത്താനും നിര്‍ദ്ദേശ - ഉപദേശാദികള്‍ നല്‍കാനുമായി മുഴുവന്‍ സമയവും ശില്‍പ്പശാലയില്‍ ഉണ്ടായിരിക്കും.കലാകാരനും പ്രേക്ഷകനുമായുള്ള ഋജുവും സുവ്യക്തവുമായ സംവേദനത്തിനു കൂടി അപ്രകാരം ഈ ശില്‍പ്പശാലയില്‍ സൗകര്യമൊരുങ്ങുന്നു.എല്ലാവരേയും സ്നേഹപൂര്‍വ്വം ക്ഷണിക്കുന്നു. സഹവാസക്യാമ്പ് ആയി സംഘടിപ്പിക്കപ്പെടുന്ന ശില്‍പ്പശാലയില്‍ വരുന്നവര്‍ക്കെല്ലാം താമസ, ഭക്ഷണ സൗകര്യങ്ങള്‍ ഉണ്ടായിരിക്കുന്നതാണ്. ഒക്ടോ. 16,17,18 തീയ്യതികളിലാണ് നാട്യശാല. ഏവര്‍ക്കും സ്വാഗതം.

ഫോണ്‍ നമ്പര്‍ : (ശ്രീചിത്രന്‍ എം ജെ) : 09544669537

ഉള്ളടക്കം: